Ruth Rehmann

| dateformat = dmy}}

Awdures o'r Almaen oedd Ruth Rehmann (1922 - 29 Ionawr 2016) sy'n cael ei hystyried yn nodigedig am ei gwaith fel cyfieithydd.

Fe'i ganed yn Siegburg yn nhalaith Nordrhein-Westfalen yn yr Almaen a bu farw yn Trostberg, Bafaria.

Roedd yn ferch i weinidog lleol. Astudiodd yn Hamburg gyda'r nod o ddod yn gyfieithydd ac yna astudiodd hanes celf, llenyddiaeth Almaeneg a cherddoriaeth. Yn ystod y 1950au, bu’n gweithio fel feiolinydd, fel athrawes ac fel ysgrifennydd y wasg yn llysgenadaethau America ac India. Yn 1983, rhedodd Rehmann fel ymgeisydd y Blaid Werdd am sedd yn y Bundestag.

Ym 1959, cyhoeddodd Rehmann ei nofel gyntaf ''Illusionen'' ('Rhithiau'). Denodd lawer o sylw pan ddarllenodd bennod o'r llyfr hwnnw yng nghynhadledd Grŵp 47 ym 1958. Enillodd ei hail nofel ''Die Leute im Tal'' ('Y Bobl yn y Dyffryn') y wobr gyntaf mewn cystadleuaeth lenyddiaeth. Darparwyd gan Wikipedia