Rudolf Karl Bultmann (Wiefelstede, 1884ko abuztuaren 20a - Marburg, 1976ko uztailaren 30a) alemaniar teologo protestantea izan zen. Itun Berriko irakasle Marburgen, haren lanak exegesia, erlijioen historia eta dogmatika alorrak ukitzen ditu. Bultmannek Itun Berriaren mitoak soiltzeari ekin zion: Jesusen bizitza eta heriotza bakarrik hartu zituen gertaera historikotzat. Jesusen mirariak, berpiztea, Izpiritu Santuaren etorrera eta abar arbuiatu egin zituen. Bultmannen iritziz, Heideggerren azterketak zekarren Itun Berria eta kristau fedea aztertzeko ikusmolde egokia, Jainkoaganako fedea duelarik gizonak salbabide bakarra. Zenbait lan: ''Tradizio sipnotikoaren historia'' (1921), ''Joanen Ebanjelioa'' (1941), ''Itun Berriaren Teologia'' (1953).
Wikipediatik informazioa lortu