Thornton Wilder

Thornton Wilder (Madison, 1897ko apirilaren 17 – Hamden, 1975eko abenduaren 7) Ameriketako Estatu Batuetako antzezlan eta eleberri idazlea zen.

Wisconsinen jaio bazen ere, aita diplomatikoa zela eta, Txinan eman zuen haurtzaroa Thornton Wilderrek. Kaliforniara bueltatutakoan, eskolan hasi zen idazten, ikaskideen iseka eta axola eza saihestu nahian. Lehen Mundu Gerran borrokatu zuen. Horren ostean, Yale eta Princeton unibertsitateetan ikasi zuen.

Lehen eleberria, ''The Cabala'', 1926an argitaratu zen. Hurrengo urtean ''The Bridge of San Luis Rey'' liburuak arrakasta komertziala eta lehen Pulitzer Saria ekarri zion. 1938an eta 1943an berriro irabazi zuen ''Our Town'' eta ''The Skin of Our Teeth'' antzezlanengatik.

Hala ere, bere burua, idazletzat baino, irakasletzat jotzen zuen, unibertsitate askotan irakatsi baitzuen. Nolanahi ere, bizitza osoan zehar idatzi zuen, sari andana jasoz. Homosexula publikoki onartu ez arren, Samuel M. Steward, haren laguna, bere maitalea omen zen. Wikipediatik informazioa lortu