Art Spiegelman

Art Spiegelman, nado en Estocolmo o 15 de febreiro de 1948, é un historietista estadounidense fillo dunha familia xudeopolonesa. Como artista está vencellado á cultura underground e a diversas correntes artísticas contemporáneas. Da súa obra, destaca ''Maus'', unha peza de denuncia do Holocausto a partir da experiencia vital dos seus proxenitores, que sufriron a persecución do réxime nazi. Spiegelman foi unha influencia notable para autores máis novos, como Craig Thompson ou Alex Robinson.

A súa obra máis coñecida a nivel internacional, ''Maus'' (galardoada co Premio Pulitzer), foi traducida ao galego por vez primeira en 2008 (labor a cargo de Diego García Cruz) e publicada pola editorial balear Inrevés. En 2017 a editorial Rinoceronte volvería traducir (traballo que fixo Estela Villar) e publicar a obra. Veröffentlicht in Wikipedia