Julien Green

Julien Green (Paris, 1900eko irailaren 6a - ''ib.'', 1998ko abuztuaren 13a) frantses idazlea izan zen.

Lehen Mundu Gerran parte hartu ondoren, Virginian jarri zen bizitzen. Familia protestantean hezi bazen ere, katoliko egin zen. Lehen eleberrietan giro itogarri kezkaz betea agertzen du; ''Mont-Cinère'' (1926), ''Adrienne Mesurat'' (1927) eta ''Léviathan'' (1929) eleberriak dira giro horren erakusgarri. Ondoren, barne-bizitzaren azterketa hartu zuen oinarri ''Le visionnaire'' (1934), ''Minuit'' (1936), ''Moira'' (1950) eta ''Terre lontaine'' (1966) lanetan. Autobiografiarako joera ere azaldu izan zuen ''Partir avant le jour'' (1963), ''Mille Chemins ouverts'' (1964) eleberrietan, besteak beste. 1987an ''Les pays lointaines'' argitaratu zuen. Eguneroko bat ere idatzi zuen 1938-1955 urte bitartean. Wikipediatik informazioa lortu