Joachim Fest

Joachim Clemens Fest (Berlin, 1926ko abenduaren 8a - Kronberg im Taunus, 2006ko irailaren 11) alemaniar historialari, kazetari, kritikari eta argitaratzailea izan zen.

Familia kontserbadore katoliko antinazi batean jaio zen. Bere familiak uko egin zion Joachim Hitleriar Gazterian sartzeari. 1944ko abenduan hemezortzi urterekin Alemsniako Armadan sartu zen, Waffen SSk errekrutatu ez zezan.

Gerra amaitu ondoren zuzenbidea, historia, soziologia, alemaniar literatura eta artearen historia ikasi zituen Friburgo, Frankfurt am Main eta Berlingo unibertsitateetan. Graduatu ondoren, Berlinen hasi zen lanean, RIAS irratian. Irratia estatubatuarra zen eta Fest historia garaikidearen editore arduraduna 1954tik 1961era. 1961ean Norddeutscher Rundfunk telebista katearen editore izendatu zuten.

1973an Adolf Hitlerren biografia bat argitaratu zuen, eztabaida sortu zuena: Hitler boterera iristeko arrazoi ekonomikoak baztertu zituen eta alemaniarrek Hitlerri emandako babesa azpimarratu zuen.

1973tik 1993ra ''Frankfurter Allgemeine Zeitung'' egunkariaren koeditore eta kultura saileko arduraduna izan zen. Alemaniako historialari nagusietako bat izan zen nazien garaiari buruzko eztabaidan. Wikipediatik informazioa lortu