Heimito von Doderer

Franz Carl Heimito, Ritter von Doderer (Weidlingau, 1896ko irailaren 5a - Viena, 1966ko abenduaren 23a) austriar idazlea izan zen.

Vienako industrialari aberatsen familia batean jaio zen. Errusiarrek preso hartu zuten Lehen Mundu Gerran 1916an. Boltxebike gobernu berriak askatu zuen, baina ezin izan zuen Austriara itzuli Errusiako Gerra Zibilaren ondorioz. 1920an, azkenean, Siberiatik itzuli ahal izan zen.

Preso zegoela, idazteari ekitea erabaki zuen, eta harrezkero olerkiak eta eleberriak argitaratu zituen.

1930eko hamarkadan Alderdi Naziarekin bat egin zuen, baina handik urrunduz joan zen eta 1940an katolizismora bihurtu zen. Bigarren Mundu Gerran ere esku hartu zuen, Frantzia okupatuan eta, azkenean, Norvegian.

1946an Austriara itzuli zen, baina urtebetez debekatuta izan zuen argitaratzea. 1950eko hamarkadatik aurrera arrakasta lortu zuen idazle gisa. Wikipediatik informazioa lortu